Levekår blant skeive

Dette prosjektet handlar om å kartleggja levekår blant lesbiske, homofile, bifile og transpersonar i Noreg.

Prosjektet «Leverkår blant skeive» har to delar: 1) ei kvantitativ spørjeundersøking om levekår blant skeive samanlikna med heterofile/cispersonar. 2) Ei kvalitativ intervjustudie av levekår blant bifile.

Nordlandsforskning og Fafo gjennomfører prosjektet på oppdrag frå Barne, -ungdoms- og familiedirektoratet. Prosjektet bygg på tilsvarande levekårsundersøkingar frå 2013 og 2020.

Føremålet med prosjektet er å gje oppdatert kunnskap om levekår blant skeive i Noreg, samanlikna med 2013 og 2020, og samanlikna med land i EU. Vidare er føremålet å undersøkja kva som kan forklara kvifor bifile menn og kvinner rapporterer om dårlegare levekår enn heterofile, lesbiske og homofile.