Forskar 1 med ekspertise innanfor kvalitativ metode, migrasjon og levekår blant skeive

Helga Eggebø (ph.d) er blant landets ledande forskarar innanfor kvalitativ metode og har gjort eit innovativt utviklingsarbeid med den populære metoden kollektiv kvalitativ analyse. Det empiriske forskingsarbeidet hennar fokuserer på tre hovudtema: innvandringsregulering, levekår blant skeive og aldring.

Kompetanse

Helga Eggebøs ekspertise innanfor kvalitativ metode blir mykje nytta i undervisning og forsking ved landets utdanningsinstitusjonar og forskingsinstitutt. Artikkelen "Kollektiv kvalitativ analyse" (2020) er mykje sitert, og ho formidlar dette arbeidet gjennom føredrag og workshopar. Ho har også publisert metodiske bidrag om forskingsetikk, følgjeforsking og policyanalyse, og skriv i Forskerforum og på bloggen om det "alle kjenner på, men ingen seier høgt i denne bransjen". 

Eggebø har over ti års erfaring med forsking på levekår blant skeive i Noreg, og har spelt ei sentral rolle i ei rekke forskingsprosjekt på feltet. Ho har mellom anna forska på skeive på bygda, skeive med innvandrarbakgrunn og kartlagt levekår blant ulike grupper skeive gjennom nasjonal survey.

Eggebø si doktorgradsavhandling om regulering av ekteskapsinnvandring til Noreg var eit av dei første omfattande forskingsarbeida på dette temaet i Noreg, og arbeidet hennar er breitt sitert innanfor internasjonal migrasjonsforsking. Den seinare tida har ho forska på regulering av permanent opphald, inntektskrav i innvandringspolitikken og kutt i trygderettar for innvandrarar.

Eggebø har også forskar på aldring og omsorg, klima- og likestillingspolitikk og har omfattande ekspertise når det gjeld juss og politikk på likestillings- og diskrimineringsfeltet.

Utdanning og arbeidserfaring

Eggebø er utdanna sosiolog. Ho avla doktorgrad ved Universitet i Bergen i 2013 med avhandlinga «The Regulation of Marriage Migration to Norway». I tillegg til forskinga har ho arbeidd i offentleg forvaltning, som politisk rådgjevar på Stortinget og med rådgjeving innanfor likestilling og ikkje-diskriminering. Eggebø har også vore medlem av det regjeringsoppnemnte Likestillingsutvalet som stod bak dei to NOUane "Politikk for likestilling" (2012) og "Struktur for likestilling" (2011).

Foredrag og formidling

Eggebø er ein erfaren forskingsformidlar med omfattande foredragserfaring og aktiv deltaking i den offentlige debatten. Ho er fast skribent i Forskerforum, skriv på eigen blogg og har publisert nærare 80 kronikkar i nasjonale og regionale media.