Forskar med kompetanse innan marin forvaltning, naturressursar og samfunnsvitskapleg kunnskap i nordområda.
Solveig Øye Bjørdal er forskar ved Nordlandsforskning med fagleg forankring i tverrfagleg ressursforvalting, miljøstyring og samfunnsutvikling i nord. Ho har særleg kompetanse på fiskeri og marin ressursutnytting, naturbruk- og vern, og samspelet mellom økologiske og sosiale system.
Kompetanse
Solveig engasjerer seg i samfunnsorientert forsking i skjeringspunktet mellom miljøplanlegging, naturressursforvaltning og politisk styring. Ho jobbar med spørsmål knytt til blant anna fiskeri, kystsoneplanlegging, utmarksforvaltning, klimatilpassing og beredskap i reindrifta, kystkultur og matsystem. Innanfor alle desse tema er fokuset på lokal- og erfaringsbasert kunnskap og fleksibel samforvaltning ein raud tråd, og arbeidet gjennomførast ofte i tett samarbeid med lokalbefolkning, forvalting og andre samfunnsaktørar.
Gjennom prosjektarbeid på Nordlandsforskning har Solveig hatt fått god erfaring i praksisnært feltarbeid og datainnhenting, kvalitativ analyse, og både akademisk og populærvitskapleg formidling. Solveig kombinerer solid fagkunnskap med eit sterkt engasjement for inkluderande prosessar og kunnskapsbasert forvaltning i sosial-økologiske system i nord.
Utdanning og arbeidserfaring
Solveig har ei mastergrad i kyst- og havforvaltning frå University Centre of the Westfjords (2023) der masteroppgåva hennar analyserer det norsk-russiske fiskerisamarbeidet i Barentshavet. Ho har ei bachelorgrad i nordområdestudier frå Nord universitet (2021).
Ho byrja hjå Nordlandsforskning som forskar i 2023.
Prosjekt og publikasjonar
Solveig har arbeida i fleire større forskingsprosjekt finansiert av Norges forskningsråd og EU, blant anna FACE-IT, WELFED og OutGen, i tillegg til prosjekt på oppdrag av det offentlege, som Evaluering av kontorflytting i reindriftsforvaltninga på oppdrag av Statsforvalteren i Nordland.
Solveig deltek i fleire pågåande prosjekt, og vil ta del i prosjekta CoastSupport og SocialShip som har oppstart i 2025.
Foredrag og formidling
Solveig har presentert forskingsresultat på akademiske konferansar som Arctic Congress og Reindriftskonferansen og har organisert fleire arbeidsverkstader, særleg med fokus på lokal medverknad og samforvaltning. Forskingsformidlinga kombinerer forskingsbasert innsikt med praktisk tilrettelegging for dialog mellom forvalting, næring og lokalsamfunn.
